صلاة قيام اليل

السلام عليكم
طبعا كلنا نعرف اي وقت نكدر ندعي بيه ربنا سبحانه بس اكو اوقات محببه ومستجابه بيها الادعيه ان شاء الله
يعني من صلاة العصر لحد صلاة المغرب هذا وقت محبب ومستجاب بيه الدعاء والاستغفار
واكو وقت ثاني ومو كل الناس تعرفه و مو غلط ما نعرفه ونتعلم
هو قيام اليل يعني بعد صلاة العشاء ولحد صلاة الفجر اني ابدي بيها الساعه 2 ولحد صلاة الفجر يعني شوكت ما نريد نبدي
قيام اليل يعني الوقت الكل الناس بيه نايمه حتى اهل بيتك
ندعي نستغفر نصلي و نقراء القرأن نسح
وصلاة قيام اليل هي ركعتان قبل الشهاده نقول الدعاء اكتبه بالاخير وبعدين ندعي شنو ما نريد من الله
من ندعي نكون خشوعيين شويه وما نفكر بشي يعني مو ندعي ودماغنا بغير مكان ونحجي ويه الله نفضفض لان اكو ناس ما تعرف شلون تدعي وشنو تدعي نكول كل شي لرب العالمين حترتاحون حيـــــــــــــــل لان الشكوى لغير الله مذله
والله سبحانه وتعالى يشوفك ويشوف منو سهران يدعيه ويفتخر بيك كدام الملائكه ويستجيب دعائك ان شاء الله

دعاء الله الاعظم المستجاب
اللهم اني اسألك بأن لك الحمد لا اله الا انت المنان يا بديع السماوات والارض يا ذو الجلال والاكرام يا حي يا قوم اني اسألك ؟؟؟
وندعي ربنا شنو ما نريد وبعدين الشهاده

حتى لو كنتو متضايقين هم سووها مجربتها هوااااااااااايه ان شاء الله ما طولت عليكم