دعوة للحوار .. ماذا لو احببت شخصا ولم يبادلك الشعور

احاول اصادقة

معناها محاس بحبك اله فحسسه بحبك اله حته ايبادلك نفس الشعور

عمر الربيهي شكرا لمرورك
اكثر الاحيان ماتنجح الصداقة اذا كان احد الطرفين يحب الاخر

الاخت شاعرة الكرادة
زين يعني لازم اذا حس حيبادل بنفس الشعور ؟؟ ماتصور

حسب تصوري واتوقع الكل يوافقني الرأي الحب يبدي باعجاب من قبل طرف يلاقيه اعجاب من طرف ثاني ثم يبدي يصير حب

مرات نعرف اشخاص نحترمهم ونعزهم بس منكدر نخليهم بمكان حبيب وهذا مو يعني انه هم مو خوش

اني بالنسبة الي اذا حبيت انسانة ومابدلتني الشعور احترم رأيها

تحياتي

خوش موضوع حيدر.... وبالنسبه للحب من طرف واحد طبعا صعبه واكيد الي يحب رح يتعذب .... وبنفس الوكت تجاهل الطرف الاخر لمشاعره حيزيد من احباطه بس احسن شي اذا مثلا ولد حب بنيه او بنيه حبت ولد ومن طرف واحد احسن شي تنساه لعده اسباب واهم شي حتى مايتعذب الطرف الي يحب وحفاظا على كرامتنا كأنسان لهذا النسيان هو الحل لان ماكو حب ييجي بالغصب الحب تبادل مشاعر ... "من الطرفين " حتى تكون اساس علاقه متينه ...

طبعا لازم اتحسسة انو انتة اتحبة موهيج ويجوز همه هم يحبوك اومعجبين بس هم من طرف فلازم اتحسسهم بحبك
وموالة اذا حس حيبادلك نفس المشاعر هاي حسب الشخص ونعم الحب يبدا باعجاب

عيني مريم هو في حاله تجاهله للموضوع اكيد المقابل راح ينسى بس بصعوبه فلهذى اني افضل انو يتاكد انو الطرف المقابل ابد ماعندة مشاعر تجاها لوتعزز وراها ينسى اذا ماكو مشاعر موتعزز

صحيح مريومة وطبعا الوقت ياكل كل شي ووحدة من المواهب الكثيرة اللي وهبها الله للانسان هي النسيان حتى ينسى كل شي مؤلم صح مرات مو بسهولة بس الوقت يتكفل بكل شي

شاعرة الكرادة وصلت الفكرة انتي قصدتي قبل ميعرف الطرف الثاني انه الطرف الاول يحبة
وهذا شي صحيح
وورة مايعرف اذا مابادل الشعور الافضل واحد يتقبل الامر ويسوي مثل ما كالت مريم

تحياتي

اذا متقبل لموضوع يحاول ينسى بس اكو ناس تتعزز وبعدين تبادل المشاعر واكو ناس اسوي روحة مدايره بال بس بداخلهه بلعكس كلش مهتمه بلشخص واكو ناس اتحب ناس بس بداخلهه يعني متكوللهم فنتة اعرف اول الي مديبادلوك المشاعر من يانوع واحنة العراقين انحب الميحبنة واليحبنة نعتبرهه انسان عادي للاسف هذه لشي منتشر عدنة

نصيحه مني الى جميع شباب المنتدى وجميع صبايا المنتدى
ياصبايا ديرو بالكم من الشباب لان ولد الحرام هواية
وياشباب ديرو بالكم من البنات لان لغدر والجذب منتشر
مع تحياتي للجميع

حبيبتي شاعره الكراده راجعي الي كتبته زين وخاصه جمله........................."وبنفس الوكت تجاهل الطرف الاخر لمشاعره حيزيد من احباطه" يعني الطرف اخر عرف واتجاهله يعني ما بادله نفس المشاعر واحسن شي الواحد ينسى

كل واحد بين وجهة نظرة شكرا الكم

ننتظر مشاركات بقية الاعضاء