دعوة الى العراقيين

((*دعوة الى العراقيين*))

ندعي سوه و احنه بهل الشدة ،، ربي كل باب حزن مفتوح رده
و كل تدفق دم يا ربي سده ،، و كافي ياموت سيفك كاعد اتحده
مو صبرنا بصبر ايوب و جده ،، و صبرنه سنين تره وصل حده
مد يا فرح شوي فراشك مده
.شو امكطع خيوطك وجم عكدة و عكدة
آخ شكد جثث بعد تحملين يا سده
و شكد يا فرات شوكك لدجله
حزني جبير و ما واصل حزن كده
واذا في يوم الدمع نكر خده ،، واذا في يوم البحر نكر مده
و اذا في يوم الشتا نكر برده
و الصيف صار الثلج عنده ،، ما انسى العراق و لا انسى شمته
يكلولي بس الموت هذا العراق عنده
اموت بحضن العراق تره ماكو وطن بعده
لا والله ماكو وطن بعده
لا والله ماكو وطن بعده

مشكووووووووووووووووورة
عاشت ايدج هذا ابداع

وايدك العايشة تسلم يا اخي العزيز على هذا المرور الجميل
اتمنى لك التوفيق والنجاح الدائم في حياتك ان شاء الله

تسلمين على هذا الطرح المميز

ضوء القمر

شكرا حبيبتي ضوء القمر على هذا المرور الجميل

تحياتي لكِ

اختك الوردة الحمراء

صحيح ماكو وطن بعده, يوم بعد يوم يزداد اعجابي بك شكرا لك

مشكورة حبيبتي ملاك الكرادة

تحياتي لكِ
اختكِ الوردة الحمراء