طريقه حلوة تخلي أطفالكم يسمعوا كلامكم

السلام عليكم ورحمة الله وبركاته


كيف حال كتاكيتكم الحلوين


اليوم جايب لكم طريقه حلوهـ تخلي أطفالكم يسمعوا كلامكم ويخففوا شقاوتهم


وهنا بوجه كلامي لكل أم ومربيه فاضله ،،، وكل أب فاضل




تعرفي الورق الملون اللي ينباع في المكتبات...اختاري اللون اللي يناسب غرفتهم اشتري اكثر من وحدة...وكل ورقة خصصيها لاسبوع...

اشتريتيها خلاص؟؟؟


ارسمي عليها جدول بألوان جذابة...أكتبي بالصف العمودي أسماء أطفالك بالترتيب.....وقدام اسم كل واحد حطي ترقيم 1 – 2 – 3 .....7....ع عدد أيام الاسبوع...



وبالصف الأفقي...اكتبي الأعمال اليومية زي:
سمعت كلام ماما وبابا...صليت ع الوقت...نمت بدري...كتبت واجباتي وحدي...مااتخاصمت مع أخواني...ماخربت البيت...جلست عاقل...ماخرجت بالشارع............الخ...


وانتي اختاري الأشياء اللي مبهذلينك فيها أطفالك ولايسمعوا كلامك...


هاتي أقلام ملونة وحلوة مثلا اللي فيها جليتر...واحد فوشي وواحد برتقالي...


ابدأي معاهم من السبت...


اللي يسوي الشي صح...تحطيلو شكل وجه يضحك كذا ... ....باللون البرتقالي


واللي مايسويها تحطيلو كذا ... ... بنفس الخانة...باللون الفوشي...


وتفهميهم انك ماحتجلسي طول اليوم تفكريهم بالجدول...كل واحد يراقب تصرفاته...


وحطي الجدول بمكان واااضح مثلااا ( علقيه بأشكال المغناطيس الجذابه على ثلاجة المطبخ )

وآخر كل اسبوع...اجمعوا النتايج...واللي ياخذ أعلى علامات كذا ...
هو اللي ياخذ الجائزة...وخللي أخوانه هم اللي يقدموها له....و يصفقوا له ويبوسوه عشان تعوديهم ع التنافس الايجابي وتشيلي من قلبهم احساس الغيرة والحسد...وقوليلهم...يللا مين يبغى يفوز الاسبوع الجااااي؟؟؟


أكيد كل واحد يقول أنا...وهيتشجعوا أكثر وأكثر ويلتزموا بالجدول...


ولما يكبروا يتعودوا على هذا المبدأ...ان مو مشكلة لو خسرت هذي المرة..بس راح أشد حيلي وأفوز المرة اللي بعدها...وانو مافي احد أحسن من أحد كل واحد واجتهاده...بالع** اللي يفوز نحبه ونقدره...لأنه انسان ناجح...

وعشان تحمسيهم جيبي الهدية من بداية الاسبوع وغلفيها...وخليهم يشوفوها وهي مغلفة من بداية الاسبوع...
وقوليلهم اللي يفوز هذا الاسبوع ياخذ هذي الجائزة...وحطيها بمكان واضح بغرفتك...أو بغرفتهم اذا تضمني مايفتحوها....عشان كل يوم يشوفوها وماينسوا ويتشجعوا أكثر...



ولاتصيري ملوله خل عندك صبر عشان تطلعين بنتايج ترضيك