دوس اعله الورد...كام الورد ينداس... بس عطر الورد... ماتكدر اتدوسه
يصح واحد... جريمه اعله الوجه ينباس .... اواحد بالرجل تستناهل اتبوسه
يالعندك شمس... لازم يجيك الليل ....وايجبرك غصب ...تحتاج فانوسه
لتأمن زمان.. العلم الطاووس.. يتبختر... او هلس ريش طاووسه ...
يا تا بوت ميت...ما تشيله اجفوف...حتى انكول مات.. وشالته افلوسه..
فك سجن البلابل.. يا زمان الخوف.. ليش ابلا ذنب..عالصوت محبوسه؟؟!
لا تعبد صنم.. واتشوف بي فرعون.. وتلم الحيايه ..وتنتظر موسى..
او لتخدر ورد..من شتله الكمون.. والشتله الخبيثه.. بصفها مغروسه..
اولتلوم النهر.. لوم اليناوش ماي.. من تعطش اكباله.. وما ترس طوسه
ليصيبك عجب.. يالعصبر منفوس.. الموته ابهل.. عالموت منفوسه..
بالك لاتشم.. ريحه ورد مشموم.. وجلدك لا تلبسه.. هدوم ملبوسه..
ولتكلي العمر.. يستاهل احنه انعيش.. والواكف يلوج ..الطاح بضروسه..
موت ابيا زمن.. مو مشكله منتموت.. بس اترك اثر.. وافعال ملموسه..
دك عمره.. المسيح ابخشبه الكتال.. حتى الناس تسمع صوت ناقوسه ..
نام ابلا خبز.. خليك ميت جوع.. ما فرغت بطن والعين متروسه ..